Բժիշկը զգուշացնում է. ո՞ր հիվանդությունների մասին են վկայում ձմերուկ ուտելուց հետո առաջացած այտուցները

Ձմերուկ ուտելուց հետո այտուցը կարող է վկայել սրտի կամ երիկամների հետ կապված խնդիրների մասին. RIA Novosti-ին ասել է Մոսկվայի Առողջապահության դեպարտամենտի առաջնային պահպանման գլխավոր մասնագետ Անդրեյ Տյաժելնիկովը։

«Եթե մարդը ձմերուկ ուտելուց հետո ուռչում է, նա պետք է բժշկի դիմի, հնարավոր է, որ նա սրտի կամ երիկամների հետ կապված խնդիրներ ունի»,- ասել է Տյաժելնիկովը։

Նա նշել է, որ ձմերուկը պետք է զգուշությամբ օգտագործել շաքարային դիաբետով, աղեստամոքսային տրակտի հիվանդություններով, երիկամներում քարեր առաջանալու կամ ունենալու հակում ունեցող մարդկանց, միզասեռական համակարգի, սրտի աշխատանքի խանգարումներով անձանց, հղիներին։

«Ձմերուկը լավ հագեցնում է ծարավը, հարուստ է B և այլ վիտամիններով, պարունակում է անհրաժեշտ հանքանյութեր, բջջանյութ: Սա լավ ամառային լիցքավորում է մեր օրգանիզմի համար: Բայց ամեն ինչ օգտակար է չափավոր քանակությամբ: Ձմերուկին պետք է վերաբերվել ինչպես աղանդերի և ուտել մեկ բաժին: Ձմերուկը չի կարելի ուտել սոված փորին, ավելի ճիշտ է այն օգտագործել հիմնական սնունդից հետո և քնելուց մի քանի ժամ առաջ՝ միզամուղ ազդեցության պատճառով»,- հավելել է բժիշկը։