ԱԺ նախագահի պաշտոնում Ձեր ընտրվելը հույսի փարոս է․ Եվրախորհրդարանի պատգամավոր
Եվրախորհրդարանի պատգամավոր Լարս Պատրիկ Բերգը Արցախի ժողովրդի համար ամենածանր պահին Դավիթ Իշխանյանի՝ Ազգային ժողովի նախագահի պաշտոնում ընտրվելը հույսի փարոս է անվանել և վստահեցրել, որ շարունակելու են աջակցել Արցախի քաղաքացիներին և նրանց ինքնորոշման իրավունքին.
«Հարգելի նախագահ Իշխանյան,
Գրում եմ՝ շնորհավորելու Ձեր ընտրվելու կապակցությամբ և լավագույն մաղթանքներս հղելու Ձեր հաջողությունների համար:
Արցախի ժողովրդի համար ամենածանր պահին Ազգային ժողովի նախագահի պաշտոնում Ձեր ընտրվելը հույսի փարոս է, և ես կարող եմ Ձեզ վստահեցնել, որ շարունակաբար աջակցում եմ Արցախի քաղաքացիներին և ձեր ինքնորոշման իրավունքին:
Հուսով եմ, որ հնարավորություն կունենամ ողջունել ձեզ Եվրախորհրդարանում, և եթե կարող եմ որևէ կերպ օգնել, հանգիստ զգացեք կապվել ինձ հետ:
Իմ ամենալավ մաղթանքները Ձեր ստանձնած մանդատում»:
