Ստամբուլի քաղաքապետը 4 օր կմնա ոստիկանությունում, քեմալականները կողմնակիցներին կոչ են արել դուրս գալ փողոց
Ստամբուլի քաղաքապետ Էքրեմ Իմամօղլուի կինը՝ Դիլեք Իմամօղլուն, մեկնաբանել է ամուսնու կալանավորումը։
«Իրենք (իրավապահները - խմբ.) վաղ առավոտից եկան... Երեկ ամուսնուս դիպլոմը անօրինական կերպով չեղարկեցին։ Սրան սպասու՞մ էինք։ Դուք կարծում եք, որ դա չի կարող լինել, և հանկարծ նոր գործընթաց է սկսվում…»,- ասել է Դիլեք Իմամօղլուն։
Նա նաև «ծիծաղելի» է անվանել Իմամօղլուին հանցավոր կազմակերպությունների հետ կապ ունենալու մեղադրանքները։ «Շատ կեղծ տեղեկություններ են տարածվում…»,- ասում է Ստամբուլի քաղաքապետի կինը։
Քեմալականներն իրենց կողմնակիցներին կոչ են արել դուրս գալ փողոց։
«Մենք սատարում ենք Էքրեմ Իմամօղլուին և մեր ընկերներին»,- ասել է Ժողովրդահանրապետական կուսակցության (CHP) խոսնակ Դենիզ Յուջելը։
Իմամօղլուն 4 օր կմնա ոստիկանությունում։
Էքրեմ Իմամօղլուն, դիմելով ժողովրդին, ասել է, որ շարունակելու է պայքարը։
