Ռուսաստանը աշխարհի ամենամեծ երկիրն է, նա նոր հողեր չի փնտրում․ Պուտին
Ռուսաստանը աշխարհի ամենամեծ երկիրն է, նա նոր հողեր չի փնտրում, իսկ ուկրաինական ճգնաժամը տարածքային հակամարտություն չէ: Այս մասին «Վալդայ» միջազգային քննարկման ակումբի լիագումար նիստում իր ելույթի ժամանակ ասել է ՌԴ նախագահ Վլադիմիր Պուտինը։
«Ոմանք կառուցողական փոխգործակցության Ռուսաստանի պատրաստակամությունը շփոթեցին հպատակության հետ։ Ոչ ոք չէր պատրաստվում լսել Ռուսաստանին, մեր, այսպես կոչված, գործընկերների ամբարտավանությունը պարզապես դուրս էր եկել շրջանակներից»,- նշել է ՌԴ նախագահը։
Նա նաև անդրադարձել է Արևմուտքին՝ նշելով, որ յուրաքանչյուր ոք, ով իրեն պահում է ինքնուրույն և գործում է իր շահերին համապատասխան, ենթակա է վերացման Արևմուտքի կողմից.
«ԱՄՆ-ն իր տնտեսական գիծն է պարտադրում Եվրոպային, փորձում են օրենքները փոխարինել ինչ-որ կանոններով, սա «անհեթեթություն» է։ Արևմուտքի ուժը կուտակվել է դարավոր գաղութային քաղաքականության, գաղութների կողոպուտների, ողջ մոլորակի կողոպտման մեջ»։
