Ֆուտբոլի թշնամիները
Նիկոլ Փաշինյանը միայնակ չի կարող բռնապետություն հաստատել, եթե նրան չաջակցեն տարբեր պաշտոնյաներ, պատգամավորներ, իշխանության հաստիքային ու արտահաստիքային հաճախորդներ։
«Բռնապետության դեմքը» խորագրի այսօրվա «հերոսնռեը»՝ ՀՖՖ նախագահ Արմեն Մելիքբեկյանը և նրա տեղակալ Արմեն Նիկողոսյանն են, ովքեր դարձել են հայկական ֆուտբոլի «նիկոլները»:
«Փյունիկի» տխուր պատմությունը
ՀՖՖ-ի կողմից հետապնդումներից հետո «Փյունիկ» ֆուտբոլային ակումբի սեփականատերը որոշել է վաճառել ակումբը:
«Գլխավոր ու միակ պատճառը Հայաստանի ֆուտբոլի ֆեդերացիայի ղեկավարության հալածանքն է, որը ձգվում է արդեն երկու տարուց ավելին: Ցավոք, իրավիճակը վաղուց դուրս է եկել ողջամտության ու պրոֆեսիոնալ էթիկայի սահմաններից վերածվելով անձնական առճակատման: Դա մեծ վնաս է հասցնում թիմին, երկրպագուներին ու մեր ակադեմիային և ամենակարևորը հայկական ֆուտբոլի հեղինակությանը»,- ասված է Արթուր Սողոմոնյանի հայտարարության մեջ։
Ֆուտբոլի «նիկոլները»
Երկու Արմենները ՀՖՖ տեր ու տնօրեն դարձան միայն այն պատճառով, որ Նիկոլ Փաշինյանի մտերիմներն էին: Ինչպես Փաշինյանն է իր գավառական ճաշակով երկիր ղեկավարում՝ մեզ կանգնեցնելով ազգային աղետի առջև, այդպես էլ այս մարդկանց «բեսպրեդելն» է քանդում հայկական ֆուտբոլը:
Վահրամ Բագրատյան
