Պայթյուն է տեղի ունեցել Ֆրանսիայում Ռուսաստանի գլխավոր հյուպատոսության մոտ

Պայթյուն է տեղի ունեցել Ֆրանսիայի Մարսել քաղաքում Ռուսաստանի գլխավոր հյուպատոսության մոտ, գրել են ԶԼՄ-ները։

Դեպքի վայրում աշխատում է մոտ 30 հրշեջ և ոստիկան։

Մարսելում Ռուսաստանի գլխավոր հյուպատոսության տարածքում տեղի ունեցած պայթյուններն ահաբեկչական հարձակման բոլոր նշաններն ունեն, ՏԱՍՍ-ին ասել է ՌԴ ԱԳՆ պաշտոնական ներկայացուցիչ Մարիա Զախարովան։

Թարմացված 12:55-ին

Մարսելում Ռուսաստանի հյուպատոսարանի մոտ պայթյունից տուժածներ չկան։

Ըստ ամենայնի, անհայտ անձինք հրկիզող խառնուրդով երկու տարա են նետել հյուպատոսության տարածքում այգու ուղղությամբ, գրել են ԶԼՄ-ները։

Դեպքի վայրի մոտ հայտնաբերվել է գողացված ավտոմեքենա։

3 պայթուցիկ սարք է նետվել Մարսելում ՌԴ հյուպատոսության տարածք, որից մեկը չի պայթել: