Պրիվոլնոյե գյուղի մոտակայքում այրվել է մոտ 10 հա խոտածածկույթ, որից 5 հա՝ անտառային հատվածում
Դեկտեմբերի 30-ին, ժամը 14:23-ին Լոռու մարզային ճգնաժամային կառավարման կենտրոն ահազանգ է ստացվել, որ Պրիվոլնոյե գյուղի մոտակայքում այրվում է խոտածածկույթ, մոտենում է անտառին: Այս մասին տեղեկանում ենք ՀՀ ԱԻՆ-ից։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը և մեկ մարտական հաշվարկ։
Պարզվել է, որ հրդեհը բռնկվել է Պրիվոլնոյե-Սարչապետ գյուղերի միջև ընկած հատվածում:
Հրդեհը մեկուսացվել է ժամը 16։29-ին, մարվել՝ 17։24-ին: Այրվել է մոտ 10 հա խոտածածկույթ, որից 5 հա՝ անտառային հատվածում:
