Ի՞նչ կլինի, եթե ամեն օր գարեջուր խմեք. պատասխանում են բժիշկները
Ինչքան դրսում եղանակը տաքանում է, այնքան ավելի շատ է կարիք զգացվում սառը գարեջուր խմելու:
Ինչի՞ է ընդունակ ալկոհոլը:
Ֆիզիոլոգիական տեսանկյունից դուք կարող եք տեսնել, թե ինչպես է ալկոհոլը բարձրացնում արյան ճնշումը, խաթարում ջերմակարգավորումը, մեծացնում է սրտի և արյան անոթների ծանրաբեռնվածությունը։
- Ալկոհոլը խթանում է ախորժակը։ Եթե մարդը մեկ-երկու բաժակ գինի չխմեր, ավելի քիչ կուտեր։ Այն շատ վատ է ազդում աղիների միկրոբիոմի վրա, խթանում է օրգանիզմում տարբեր ֆերմենտների ակտիվությունը, կամ հակառակը՝ արգելակում է մի շարք ֆերմենտներ»,- ասում է էնդոկրինոլոգ Զուխրա Պավլովան։
Ինչ կլինի, եթե ամեն օր գարեջուր խմեք
Բժիշկների խոսքով՝ ալկոհոլի սիստեմատիկ չարաշահմամբ լյարդը սկսում է քայքայվել, առողջ հյուսվածքները փոխարինվում են ճարպային հյուսվածքով, սկսվում է այսպես կոչված ճարպային լյարդի հիվանդությունը՝ վերածվելով բորբոքման, այնուհետև՝ քաղցկեղի։ Գարեջրի ալկոհոլիզմի սկզբնական փուլում լյարդը մեծանում և բորբոքվում է, այնուհետև այն դադարում է ամբողջությամբ կատարել իր հակատոքսիկ գործառույթը, և դրա պատճառով տուժում է ամբողջ օրգանիզմը։ Եթե մարդը շարունակում է անսահմանափակ քանակությամբ գարեջուր խմել, ապա զարգանում է ալկոհոլային հեպատիտ, որը կարող է առանց ախտանիշի լինել մինչև բարդությունների ի հայտ գալը։
Բժիշկները խորհուրդ են տալիս նաև ուշադրություն դարձնել, թե ինչ է պարունակում գարեջուրը՝ ջուր, ածիկ, խմորիչ, էթիլային սպիրտ, տոքսիններ։ Նրանք միասին կարող են հեշտությամբ խաթարել նյութափոխանակության գործընթացները և հորմոնալ մակարդակը: Բայց ստամոքսն ընդունում է առաջին հարվածը։ Մարսողությունը դառնում է թերի, սննդից օգտակար նյութերն ամբողջությամբ չեն ընդունվում օրգանիզմ։ Գանգատներ են լինում որովայնի շրջանում՝ ցավից և ծանրությունից, բերանում դառնություն, այրոց։
Բացի այդ, էթիլային ալկոհոլը, մտնելով արյան մեջ, առաջացնում է անոթների լայնացում։ Դրա պատճառով արյան ճնշումը բարձրանում է։ Եվ մի մոռացեք գարեջրի միզամուղ ազդեցության մասին։
Միզարձակման ավելացումը պայմանավորված է ոչ թե օրգանիզմ ներթափանցող հեղուկով, այլ երիկամային հյուսվածքի գրգռմամբ։ Արդյունքում երիկամների ֆիլտրման կարողությունը վատանում է,-ասում է գաստրոէնտերոլոգ Նատալյա Շինկարևան։
Եթե երիկամների վրա մշտական ծանրաբեռնվածությունը շարունակվի, ապա դա կարող է հանգեցնել նրա աշխատանքի խաթարման, երիկամային անոթների վնասման, արյունահոսության և նույնիսկ օրգանի ինֆարկտի։
