Ադրբեջանի նոր պահանջը Հայաստանին
Ադրբեջանի և Հայաստանի հաշտեցումը հնարավոր է, եթե հայերը ներողություն խնդրեն. սա է պաշտոնական Բաքվի հերթական պահանջը Երևանին:
«Երևանն անհիմն մեղադրանքներ է ներկայացնում Բաքվին, Ղարաբաղի հայ բնակիչների շրջափակում չկա», - Arab News-ին տված հարցազրույցում ասել է Ադրբեջանի նախագահ Իլհամ Ալիևի օգնական Հիքմեթ Հաջիևը։
«Այն, ինչ առաջարկում է Ադրբեջանը, երթուղիների դիվերսիֆիկացումն է, իսկ կարևոր ճանապարհներից մեկը Ակնա (Աղդամ)-Ստեփանակերտն է»,- ասել է նա։
Հաջիևի խոսքով՝ հաշվի առնելով այն հանգամանքը, որ Ադրբեջանն ամբողջությամբ վերականգնել է այս ճանապարհը, նա ունի նյութատեխնիկական մեծ հնարավորություններ։
Հիշեցնենք, Արցախը շրջափակված է ավելի քան ինը ամիս: Հայկական երկորդ պետությունում հումանիտար խորը ճգնաժամ է, համատարած սով:
