Թրամփի հատուկ բանագնացը խոսել է պատերազմը դադարեցնելու բանակցությունների մասին

ԱՄՆ-ը 2022 թվականի Ստամբուլի համաձայնագրերն անարդար է համարում Ուկրաինայի նկատմամբ և պնդում է դրանց վերանայումը, հայտարարել է նախագահի հատուկ բանագնաց Քիթ Քելլոգը։

Նրա խոսքով՝ փաստաթուղթը կազմվել է այն ժամանակ, երբ Ուկրաինան եղել է թուլացած վիճակում, և որ այն պարունակում է ուռճացված պահանջներ։

Քելլոգը նշել է, որ բանակցությունները կարող են սկսվել այս փաստաթղթով, սակայն կպահանջվի «բոլորովին նոր» մոտեցում:

«Չեմ կարծում, որ սա արդար և հավասարակշռված տարբերակ է։ Պետք է բոլորովին նոր բան մշակենք։ Կողմերի ցանկության դեպքում հնարավոր է բանակցություններ սկսել այս փաստաթղթով, սակայն հետագա քայլերը բանակցային թիմերի աշխատանքն է։ Ես գիտեմ, որ նախագահ Էրդողանը կցանկանար սա օգտագործել որպես ելակետ, սակայն ցանկացած ողջամիտ մարդ պետք է ուշադիր ուսումնասիրի այդ պայմանավորվածությունների բովանդակությունը։ «Դուք չեք կարող վերադառնալ անցյալ, դուք պետք է սկսել այսօրվա իրականությունից», - ասել է Քելլոգը «FOX 5 NY»-ին:

Նա նաև ասել է, որ Թրամփը խոստացել է 24 ժամվա ընթացքում դադարեցնել հակամարտությունը Ուկրաինայում, սակայն «նախագահը չի նշել, թե որ օրը»։