Ինչպե՞ս աշնանը պաշտպանվել վիրուսներից
Ուշ աշունը վիրուսային հիվանդությունների ավանդական ժամանակն է։ Ի՞նչ են խորհուրդ տալիս փորձագետներն աշնանային վիրուսներից պաշտպանվելու համար:
Լվանալ ձեռքերը
Մաքրությունն առողջության գրավականն է, հատկապես վիրուսային հիվանդությունների սրման ժամանակ: Որքան հնարավոր է, պետք է հաճախակի լվանալ ձեռքերը, հատկապես ուտելուց առաջ և մարդաշատ վայրերում հայտնվելուց հետո:
Օգտագործել պրոֆիլակտիկայի միջոցներ
Պետք է օգտագործել քթի խոռոչը մաքրող հատուկ հեղուկներ: Դրանք կարող են լինել ծովային աղի հիմքի վրա կամ էլ սովորական աղի լուծույթ։ Այն խոչընդոտում է քթի խոռոչի միջոցով մանրէների և վիրուսների ներթափանցումն օրգանիզմ:
Բարձրացնել իմունիտետը
Ճիշտ սնվել. օգտագործեք առողջ սնունդ, հատկապես մեծ քանակությամբ մրգեր և բանջարեղեն: Սննդակարգի մեջ ընդգրկեք վիտամին C պարունակող մթերքներ` հաղարջ, լոռամիրգ և նուռ:
Օգտագործել թղթե անձեռոցիկներ
Մասնագետները խորհուրդ են տալիս օգտագործել թղթե անձեռոցիկներ, որոնք օգտագործելուց հետո պետք է անմիջապես դեն նետել:
Հիվանդանալիս մնալ տանը
Որևէ դեպքում չի կարելի հիվանդությունը «ոտքի վրա» տանել: Տանը մնալով` հնարավորություն ունեք պահպանել անկողնային ռեժիմ, ժամանակին ընդունել դեղամիջոցներ, կանոնավոր սնվել:
