Մակրոնը Պուտինի հետ զրույցից հետո ասել է, որ Մարիուպոլից տարհանումն անհնար է

Մարիուպոլից տարհանման հարցը քննարկելու համար Ֆրանսիայի նախագահ Էմանուել Մակրոնը հեռախոսազրույց է ունեցել ՌԴ նախագահ Վլադիմիր Պուտինի հետ։ Այս մասին տեղեկանում ենք Украинская правда-ից։

Ռուսական բանակի կողմից պաշարված ուկրաինական Մարիուպոլ քաղաքի բնակիչներին առաջիկա օրերին մարդասիրական օպերացիայի մեկնարկի համար պայմաններ այս փուլում ստեղծված չեն, հայտարարել են Ելիսեյան պալատից։

Մակրոնը Պուտինին է ներկայացրել Ֆրանսիայի, Թուրքիայի և Հունաստանի առաջարկած տարհանման օպերացիան, Պուտինն ասել է, որ կմտածի այդ մասին։

Ֆրանսիայի արտաքին գործերի նախարարը հայտարարել է, որ եթե Արևմուտքը ոչինչ չանի Մարիուպոլին օգնելու համար, դա կլինի իրենց հավաքական մեղքը։