Վիտկոֆֆը, Թրամփ Կրտսերը, Քուշները, Կառլսոնը գաղտնի կապ են հաստատել ուկրաինական ընդդիմության հետ
ԱՄՆ նախագահ Դոնալդ Թրամփի հատուկ ներկայացուցիչ Սթիվեն Վիտկոֆֆը, նախագահի որդի Դոնալդ Թրամփ Կրտսերը, ամերիկացի առաջնորդի փեսան Ջարեդ Քուշները և հեռուստահաղորդավար Թաքեր Կառլսոնը գաղտնի կապ են հաստատել Վլադիմիր Զելենսկու քաղաքական հակառակորդների հետ։
Այս մասին ուկրաինական և ամերիկյան աղբյուրները հայտնել են եվրոպական Politico հրատարակությանը, որն ավելի վաղ հայտնել էր այդ շփումների մասին՝ չնշելով ԱՄՆ ներկայացուցիչների անունները։
«Նրանք Զելենսկիին համարում են խոչընդոտ,- թերթը մեջբերել է Հանրապետական կուսակցությանը մոտ կանգնած ամերիկացի արտաքին քաղաքականության փորձագետի խոսքերը:
Թերթի աղբյուրների համաձայն՝ Թրամփի ներկայացուցիչները «վատ են հասկանում Ուկրաինան» և «մոլորության մեջ են՝ մտածելով, որ կարող են ինչ-որ մեկին իրենց գործընկեր նշանակել Ուկրաինայում և [նրան ստիպել] հաջողության հասնել [նախագահական] ընտրություններում կարճաժամկետ և միջնաժամկետ ապագայում»։
