Մասնագետը նշել է տնական հացն ավելի օգտակար դարձնելու տարբերակը
Հացն ավելի առողջարար դարձնելու համար անհրաժեշտ է այն պահել սառցարանում։ Ասել է էնդոկրինոլոգ, բժշկական գիտությունների դոկտոր Զուհրա Պավլովան։
Բժիշկն իր տելեգրամյան ալիքում նկարագրել է հայտնի արտադրանքի որակը բարելավելու միջոց։
«Երբ հացը թխվում է, օսլան ենթարկվում է ժելատինացման։ Այս ձևի շնորհիվ այն ավելի հեշտ է մարսվում, իսկ գլյուկոզան ավելի արագ է ներծծվում։ Ինչն այնքան էլ լավ չէ, քանի որ այդ դեպքում ինսուլինի մակարդակը զգալիորեն բարձրանում է։ Քաղցը մարդուն սկսում է տանջել, նա ավելի արագ է գիրանում»,- բացատրել է բժիշկը։
Եթե հացը պահվում է սառը պայմաններում, օսլան փոխում է իր հատկությունները, ինչը նվազեցնում է ինսուլինի բարձրացման հավանականությունը։ Պավլովան հավելել է, որ սառեցումը կրկնակի արդյունավետ է, քան սառնարանում պահելը։
«Սակայն միայն տնական հացն է ավելի առողջարար դառնում սառեցման դեպքում, իսկ գնված մթերքը սառչելիս չի փոխում իր հատկությունները»,- զգուշացրել է բժիշկը։
«Խորհուրդ եմ տալիս հացահատիկի հաց ուտել: Այն չունի այնքան ածխաջրեր, որքան սովորական սպիտակը: Եվ մեկ կտորը սնունդ ընդունելիս բավական է»,- եզրափակել է նա։
