ԱԺ նախագահ կոչվածը, փաստորեն, ՀՀ-ին համարում է ագրեսոր պետություն․ Գառնիկ Դանիելյան

Ազգային ժողովի «Հայաստան» խմբակցության պատգամավոր Գառնիկ Դանիելյանն իր ֆեյսբուքյան էջում գրել է․

«ԱԺ նախագահ հանդես եկող անձը հայտարարել է, թե փնտրում է այն մարդկանց, որոնք կասեն, թե դրանք ՀՀ տարածք են:

Ըստ Ալեն Սիմոնյանի՝ ՀՀ-ն օկուպացրել է Ադրբեջանից տարածքներ, և, որ Ադրբեջանը կարող է դրանք հետ վերցնելու պատրվակով ցանկացած պահի հարձակվել:

Սրանով լեգիտիմ հիմքեր են տալիս Ադրբեջանին ՀՀ-ի վրա հարձակում գործելու համար:

ԱԺ նախագահ կոչվածը, փաստորեն, ՀՀ-ին համարում է ագրեսոր պետություն և, առանց որևէ դելիմիտացիոն և դեմարկացիոն գործընթացի, իր շեֆի օրինակով հայտարարում, թե ՀՀ-ի այս կամ այն մասը պատկանում է թշնամուն:

Երկրի առաջին դեմքերից մեկը ուղիղ ասում է թշնամուն, որ մեր բանակը կանգնած է Ադրբեջանի տարածքում, և վերջինս հանգիստ կարող է մտնել ու գերեվարել 100-ավոր սահմանապահ հայ զինվորների:

Ահա թե ովքեր են իրականում պատերազմի կոչ անողները և պատերազմ բերողները:

Հ.Գ. Փնտրելու կարիք չկա. այդ մարդիկ Տավուշում են և սպասում են իրեն»։