Բելգիայի իշխանությունները 10 տարով հետաձգել են ատոմակայանների փակումը

Էներգետիկ ոլորտում ճգնաժամի պատճառով Բելգիայի իշխանությունները հետաձգել են ատոմակայանների փակումը 10 տարով։ Կառավարությունը վերանայել է 2025 թվականին գործող բոլոր ատոմային ռեակտորների կանգնեցման մասին որոշումը։ Այս մասին հայտնել է Բելգիայի վարչապետ Ալեքսանդր դե Կրոոն։

«Դաշնային կլառավարությունը որոշել է ընդունել անհրաժեշտ միջոցառումներ՝ առավել ժամանակակից 2 միջուկային ռեակտորների աշխատանքի ժամկետը 10 տարով երկարացնելու վերաբերյալ»,-ասել է դե Կրոոն՝ Բրյուսելում նախարարների կաբինետի տևական նիստի արդյունքներով մամուլի ասուլիսի ժամանակ։

Անցած տարվա վերջին Բելգիայի իշխող կոալիցիան որոշում էր ընդունել 2025 թվականին բոլոր գործող ատոմային ռեակտորների կանգնեցման մասին։