Կառավարությունը շտապում է. ԱԺ արտահերթի հրատապությունը պարզաբանեց փոխնախարարը
Այսօր Կառավարության նախաձեռնությամբ Ազգային ժողովում գումարվել է արտահերթ նիստ, որի օրակարգում 11 հարց է։
Արտահերթ նիստին 107 պատգամավորներից ներկա է 79-ը։ Արտահերթ նիստ գումարելու անհրաժեշտությունը պայմանավորված է նրանով, որ ԱԺ-ում շրջանառության մեջ գտնվող որոշ նախագծեր պետք է ընդունվեն այս տարի։
Օրակարգի առաջին և երկրորդ հարցերը հրատապ են, քանի որ Ասիական զարգացման բանկի և Զարգացման ֆրանսիական գործակալության կողմից վարկի միջոցների մասհանման վերջնական ժամկետ է սահմանվել դեկտեմբերի 15-ը։ Այս մասին հայտարարեց ՀՀ Արդարադատության նախարարի տեղակալ Արփինե Սարգսյանը։
«Օրակարգի չորրորդ հարցի հրատապությունը պայմանավորված է նրանով, որ, ըստ էության, օր առաջ ցանկանում ենք ՀՀ-ում ստեղծել Ներքին գործերի նախարարություն, որը որակական փոփոխություն կապահովի ոստիկանության ոլորտի բարեփոխումների շրջանակում»,-ասաց նախարարի տեղակալը։
Օրակարգային 5-րդ հարցի հրատապությունը պայմանավորված է ՏՏ ոլորտի տնտեսվարող սուբյեկտներին տրամադրվող հարկային արտոնության ժամկետի երկարաձգմամբ։
«Օրակարգի 6-րդ հարցով նախատեսվում է ինտերնետ շահումով խաղերի և վիճակախաղերի կազմակերպիչների պետական տուրքի գծով բեռը բարձրացնելու միջոցով ապահովել խաղային ոլորտի համարժեք հարկում և կատարվող խաղադրույքների կրճատում»,-թվարկեց Սարգսյանը։
Մանրամասները՝ տեսանյութում։