Պուտինն ասել է, որ Լուկաշենկոն իրեն փաստաթղթեր է հանձնել Բուչայում տեղի ունեցածի վերաբերյալ
Ռուսաստանի նախագահ Վլադիմիր Պուտինը հայտարարել է, որ իր բելառուս գործընկեր Ալեքսանդր Լուկաշենկոն իրեն փաստաթղթեր է հանձնել Բուչայում սադրանքի վերաբերյալ և ընդգծել, որ այս քաղաքում իրավիճակը կեղծ է, հայտնում է ТАСС-ը։
Երկրի ղեկավարը հիշեցրել է, որ նմանատիպ սադրանքներ են կազմակերպվել Սիրիայում՝ մեղադրելով նախագահ Բաշար ալ Ասադին քիմիական զենք օգտագործելու համար։
«Ես հաճախ եմ խոսում արևմտյան երկրների գործընկերների հետ։ Երբ ինձ ասում են՝ Բուչա, հարցնում եմ՝ երբևէ եղե՞լ եք Ռաքքայում։ Դուք տեսաք, թե ինչպես է սիրիական այս քաղաքն ամբողջությամբ ավերվել ամերիկյան ինքնաթիռների կողմից։ Այնտեղ դիակները ամիսներ շարունակ ավերակների մեջ քայքայվում էին։ Դա ոչ մեկի գործը չէր։ Ոչ ոք նույնիսկ չնկատեց. այնպես, ինչպես ոչ ոք չի հիշում Աֆղանստանում սպանված հարյուրավոր խաղաղ բնակիչների մասին, երբ հարյուրավոր մարդիկ զոհվում էին հարսանիքների ժամանակ՝ մեկ հարվածով։
Նմանատիպ սադրանքներ են կազմակերպվել Սիրիայում՝ մեղադրելով նախագահ Բաշար ալ Ասադին քիմիական զենք օգտագործելու համար։ Հետո մենք իմացանք, որ դա կեղծ է: Նույնը Բուչայում»,- երեքշաբթի օրը Լուկաշենկոյի հետ բանակցություններից հետո լրագրողների հետ հանդիպման ժամանակ ասաց ՌԴ ղեկավարը։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
