Դերասան Ժերար Դեպարդյեին զրկել են Քվեբեկի շքանշանից
Երեկ՝ դեկտեմբերի 13-ին, Կանադայի Քվեբեկ նահանգի վարչապետ Ֆրանսուա Լեգոն ֆրանսիացի դերասան Ժերար Դեպարդիեին զրկել է Քվեբեկի ազգային շքանշանից։
Լեգոն ասել է, որ դա արվել է այն բանից հետո, երբ հայտնի է դարձել դերասանի մեկնաբանությունների և գործողությունների մասին, որոնք «բացահայտորեն ցուցադրում են ազգային կարգի արժեքներին հակասող վարքագիծ»:
Նոյեմբերի վերջին ֆրանսիական France 2 հեռուստաալիքը թողարկել էր «Լրացուցիչ հետաքննություն» վավերագրական ֆիլմը։ Դրանում մի քանի կանայք Ժերար Դեպարդյեին մեղադրում են բռնաբարության և սեռական ոտնձգությունների համար։ Բացի այդ, այս ֆիլմը պարունակում է կադրեր, որոնք արվել են դերասանի՝ 2018 թվականին ԿԺԴՀ-ի 70-ամյակի տոնակատարություններին ուղևորության ժամանակ. այս նկարները պարունակում են սեքսիստական արտահայտություններ, վիրավորական մեկնաբանություններ կանանց հասցեին և այլն։
Անցյալ շաբաթ Ֆրանսիայի պետական հեռարձակող France Televisions-ը հայտարարել էր, որ դադարեցրել է Ժերար Դեպարդյեի մասնակցությամբ ֆիլմերի ցուցադրումը «Լրացուցիչ հետաքննություն» ֆիլմի թողարկումից հետո: