Երեկ Ռաֆայելի տարեդարձն էր, նա կդառնար 21 տարեկան. Գազայի գոտում հայազգի զոհ կա
Իսրայելահայերի «Նաիրի» միության նախագահ, «Իսրայելահայեր» թերթի գլխավոր խմբագիր Արտյոմ Չերնամորյանը հայտնում է, որ Գազայի հատվածում զոհվել է հայազգի 20-ամյա ավագ սերժանտ Նիր-Ռաֆայել Կանանյանը (Քանանյան)։
«Բեյտ Կեշետ կիբուցի գերեզմանատանը հողին հանձնեցին դեկտեմբերի 22-ին – Գազայի գոտում՝ Խան Յունիսում, ինքնաշեն պայթուցիկի պայթյունի հետևանքով զոհված 20-ամյա ավագ սերժանտ Նիր-Ռաֆայել Կանանյանի(Քանանյանի) աճյունը: Նա եղել էր «Գիվատի» հատուկ նշանակության ստորաբաժանման մարտիկ և պարեկային ծառայության ժամանակ զոհվել։ Հանգուցյալ ավագ սերժանտն ըստ հրամանատարության ու իր հետ ծառայած զինծառայողների քաջ մարտիկ էր «Գիվատի» ստորաբաժանման մեջ ու փայլուն ավարտել էր ընդհատակյա պատերազմների և մարտական պայմաններում դիվերսիայի դեմ պայքարի մասնագիտացված զինվորական դասընթացը: Երեկ Նիր-Ռաֆայել Քանանյանի տարեդարձն էր ու նա կդառնար 21 տարեկան: Նրան մնացել էր ընդհամենը մեկ ամիս՝ զորացրվելու և տուն վերադառնալու համար»,- հայտնել է Չերնամորյանը:
