Քաղաքացիներն Արարատ Միրզոյանին ավելի բարձր են գնահատում, քան՝ Փաշինյանին

Լաչինի միջանցքի շրջափակման համար թիվ մեկ մեղավորն, ըստ քաղաքացիների, Ադրբեջանի իշխանություններն են (հարցվածների 42,5%)։ Այդ մասին այսօր հրավիրված ասուլիսում ասաց «Գելափ ինթերնեյշնել ասոցիացիա»-ի հայաստանյան գրասենյակի ղեկավար Արամ Նավասարդյանը։

Գրասենյակի իրականացրած հարցումների համաձայն՝ քաղաքացիներն Ադրբեջանի իշխանություններից հետո մեղադրում են Ռուսաստանի (30,2%), ապա նոր՝ Հայաստանի իշխանություններին (29,0%)։

Ստեղծված իրավիճակում Արցախի իշխանությունների գործողությունները քաղաքացիները գնահատել են հետևյալ ձևով. Արցայիկ Հարությունյանը 2,2 բալ է ստացել՝ 5-ից, իսկ Ռուբեն Վարդանյանը՝ 3,7:

«Հայաստանի իշխանությունների գործողությունները՝ նշված իրավիճակում, ևս գնահատվել է քաղաքացիների կողմից։ Այսպես, Նիկոլ Փաշինյանը 2,7 բալ է ստացել, Արարատ Միրզոյանը՝ 2,8, Ալեն Սիմոնյանը՝ 2,5 և Վահագն Խաչատուրյանը՝ 2,3»,- ներկայացրեց Արամ Նավասարդյանը։

Նարե Գնունի