Էդ հարցը վիրավորում է իմ բանականությունը․ Եղոյանը՝ Կարապետյանի հայտարարության մասին
ԱԺ-ում լրագրողների հետ ճեպազույցի ընթացքում «Քաղաքացիական պայմանագիր» խմբակցության պատգամավոր Արման Եղոյանից լրագրողները հետաքրքրվեցին, թե ինչպես է ստացվում, որ ՀՀ Պաշտպանության նախկին նախարար Արշակ Կարապետյանի հայտարարությունը վերջինս որակում է որպես ցնդաբանություն։
Եղոյանը հաստատեց իր տեսակետը, այն մեղադրանքի վերաբերյալ, թե Փաշինյանն է Ադրբեջանին ասել՝ ձերբակալել Ռուբեն Վարդանյանին։
«Ցնդաբանություն է, որովհետև բարոյական խնդրի հետ գործ ունենք»,-ասաց Եղոյանը։
Խոսելով Կարապետյանի այն հայտարարության մասին, թե ՀՀ սահմանների պաշտպանությունն ինչպես է եղել նախկինում և ինչ պատկեր ունի հիմա, վերջինս արձագանքեց․
«Էդ հարցը վիրավորում է իմ բանականությունը, ուղղակի։ ՀՀ-ի սահմանները պաշտպանելու համար որևէ մեկը չի կարող պաշտոնանկ արվել, մարդիկ դրա համար խրախուսվում, մեդալ, կոչում են ստանում և գովասանք, ձեր ասածը վիրավորական է»։
ՔՊ խմբակցության քարտուղար Արթուր Հովհաննիսյանն էլ նշեց, թե կարիք չկա ուղիղ եթերում քննարկել մեկի հայտարարությունը, որը եղել է որպես ծառայության առաջարկ ինչ-որ թևերի։
Մանրամասները՝ տեսանյութում
