Բժիշկը բացատրել է, թե ինչու է ճարպի պակասը վտանգավոր առողջության համար

Էնդոկրինոլոգ Զուխրա Պավլովան զգուշացրել է, որ ճարպային հյուսվածքի պակասը կարող է վնասել օրգանիզմին նույնքան, որքան դրա ավելցուկը։

Sputnik ռադիոյին տված հարցազրույցում նա բացատրել է, որ ճարպային հյուսվածքում սինթեզվում են մեծ քանակությամբ կենսական նյութեր։ Ոմանք ազդում են բորբոքման զարգացման վրա, մյուսներն օգնում են ճնշել այն, ուստի և՛ պակասը, և՛ ավելորդ ճարպը կարող են հանգեցնել իմունային համակարգի հետ կապված խնդիրների:

Բացի այդ, ճարպային հյուսվածքն անհրաժեշտ է բազմաթիվ հորմոնների ակտիվացման և ձևավորման համար։ Այն նաև կլանում է ազդեցությունները, ինչը օգնում է պահպանել ներքին օրգանները:

Ըստ մասնագետի՝ ճարպի պակասի դեպքում կարող է զարգանալ օստեոպորոզ։

Էնդոկրինոլոգը պարզաբանել է, որ ճարպը միշտ առկա է մարդու օրգանիզմում, սակայն կնոջ մոտ այդ ցուցանիշը պետք է լինի ընդհանուր զանգվածի 31%-ից ոչ ավելի, իսկ տղամարդու մոտ՝ 24%-ից ոչ ավելի։

Առողջ մարմնի համար անհրաժեշտ է ընտրել ճիշտ ճարպեր, որոնք կօգնեն ավելի լավ զգալ: Առողջները հանդիպում են ձկների, ընկույզների, սերմերի, իսկ վնասակարները՝ յուղոտ մսի, պանրի և կիսաֆաբրիկատների մեջ։