Պուտինը կոչ է արել բոլորին միավորվել, հիմա սա է գլխավորը. Զախարովա
Վլադիմիր Պուտինը կոչ է արել բոլորին միավորվել, հիմա սա է գլխավորը. այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք ունենք մեկ գլխավոր հրամանատար, ոչ երկու, ոչ երեք, մեկ: Եվ նա կոչ արեց բոլորին միավորվել, հիմա սա է գլխավորը: Միայն միասնություն․ միասնություն գերագույն գլխավոր հրամանատարի դրոշի ներքո»:
ԱԳՆ ներկայացուցիչը հիշեցրել է, որ այժմ ռուսները պաշտպանում են ոչ թե անհատների, այլ ողջ Ռուսաստանի շահերը։ Զախարովան կոչ է արել երկրի քաղաքացիներին չտրվել գայթակղությանը, իսկ տղամարդկանց հորդորել է հիշել, որ իրենք պաշտպանում են ոչ միայն իրենց կանանց ու երեխաներին, այլև երկիրը, ինչպես նաև նրա ապագան։
«Տղամարդիկ, ձեր թիկունքում երեխաներ են, կանայք, ձեր ծնողները, ձեր թիկունքում երկիրն է, այն ամենն է, ինչ դուք զենքը ձեռքին պաշտպանում եք։ Ձեր թիկունքում նրանց գերեզմաններն են, ովքեր իրենց չխնայեցին։ Ձեր հետևում ապագա սերունդներն են։ Դիմացե՛ք և մի՛ հանձնվեք»,- կոչ է արել Զախարովան։
Իրադարձություններին ավելի արագ հետևելու համար բաժանորդագրվեք՝ MediaHubWorld
