Լարված իրադրություն է նաև Սյունիքին և Գեղարքունիքին հարակից հատվածներում։ Սա լուրջ է եւ Հայաստանից նոր տարածքներ գրավելու նախերգանքը. Վարուժան Գեղամյան
Ըստ ստացվող տեղեակտվության՝ Արցախում նորից լարված է, տեղային մարտեր են։ Լարված իրադրություն է նաեւ Սյունիքին եւ Գեղարքունիքին հարակից հատվածներում։ Արցախի պաշտպանության բանակը հայտնում է, որ առավոտից Ադրբեջանը մի քանի փորձեր է արել՝ ներխուժելու եւ գրավելու Արցախից մնացած հատվածը։ Ադրբեջանի թիրախում Սյունիքն է ու Արցախը, ինչի մասին բազմիցս ուղղակի եւ անուղղակի հայտարարել են թե՛ Թուրքիայում, թե՛ Ադրբեջանում։ Այս մասին գրառում է կատարել թուրքագետ Վարուժան Գեղամյանը։
«Սա լուրջ է ու Հայաստանից նոր տարածքներ գրավելու նախերգանքը։
Չզարմանաք, որ «Շուշիի համար մարտերը շարունակվում են» տխրահռչակ ստի հեղինակները հանուն իշխանություն պահելու թուրքերին կհանձնեն նաեւ Սյունիքը։
Ցավոք, իրավիճակը միմիայն վատանալու է ու միայն մի հնարավորություն կա փրկվելու՝ ազատվելու դե-ֆակտո թուրքամետ իշխանությունից»,- Տելեգրամում գրել է Գեղամյանը։
