Ռուս խաղաղապահների գործունեությունը կհարմարեցվի նոր պայմաններին․ ՌԴ ԱԳՆ

«Վերջին մեկ տարվա ընթացքում իրավիճակը Լեռնային Ղարաբաղում կտրուկ փոխվել է, ռուս խաղաղապահների գործունեությունը կհարմարեցվի նոր պայմաններին»,-ամենշաբաթյա ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով ռուսական խաղաղապահ ուժերի գործառույթների մասին հարցին, մասնավորապես՝ արդյոք խաղաղապահները կմնան Լեռնային Ղարաբաղում:

«Իրավիճակը Ղարաբաղում վերջին մեկ տարվա ընթացքում կտրուկ փոխվել է: 2022 թվականի հոկտեմբերին Հայաստանի վարչապետը Պրահայում Եվրամիության հովանու ներքո անցկացված գագաթնաժողովի ժամանակ ճանաչեց Ղարաբաղի տարածաշրջանը որպես ադրբեջանական տարածք և վերահաստատեց իր այդ դիրքորոշումը նաև 2022թ. մայիսին և հունիսին Բրյուսելում կայացած գագաթնաժողովներում։ Այսդիսով, լրջորեն վերաձևավորվել են այն պայմանները, ըստ որոնց ռուսական խաղաղապահ զորախումբը մտել է տարածաշրջան, և այս տարվա սեպտեմբերի 19-20-ի բախումից հետո բնակչության զանգվածային արտագաղթի ֆոնին մեր խաղաղապահների գործունեությունը կադապտացվի»,-նշել է նա ճեպազրույցում։

Զախրովան ասաց, որ ռուսական խաղաղապահ զորախմբի մի շարք մշտական և ժամանակավոր դիտակետեր արդեն փակվել են. «Ինչպես արդեն ասել ենք, Բաքվի հետ են քննարկվում մեր խաղաղապահների հետ կապված հիմնարար հարցերը»։