Մթերքներ, որոնք թունավորում են ուղեղը. բժիշկն ասել է, թե ինչը պետք է բացառել սննդակարգից
Նյարդավիրաբույժ Բրետ Օսբորնը կոչ է անում նվազեցնել շաքար պարունակող մթերքների ընդունումը՝ ուղեղի առողջությունը պահպանելու համար:
Բժիշկը կարծում է, որ պաղպաղակը, թխվածքաբլիթները, բլիթները և այլ խմորեղենները չափազանց քաղցր են և գրեթե չեն պարունակում սննդանյութեր։
«Քաղցր սննդի և ըմպելիքների չափից ավելի օգտագործումը արյան մեջ շաքարի մակարդակի բարձրացում է առաջացնում, ինչը ժամանակի ընթացքում կարող է խաթարել ուղեղի աշխատանքը», - ասել է նա:
Մեկ այլ վտանգավոր կատեգորիա, որն ազդում է ճանաչողական ունակությունների վրա, տրանս ճարպեր պարունակող մթերքներն են: Դրանք ներառում են տապակած պատրաստի նախուտեստներ և որոշ մարգարիններ: Նրանք կարող են առաջացնել բորբոքում և ճանաչողական անկում:
Օսբորնը խորհուրդ է տալիս չափավոր քանակությամբ կոֆեին և ալկոհոլ օգտագործել, քանի որ ավելցուկը կարող է բացասաբար ազդել ուղեղի գործունեության և ընդհանուր առողջության վրա: Ալկոհոլը, երբ չափից ավելի է օգտագործվում, կարող է հանգեցնել ուղեղի նեյրոնների վնասմանը և ճանաչողական կարողությունների վատթարացմանը:
