Թալիբներն արգելում են կանանց խոսել այլ կանանց հետ
Օգոստոսից Աֆղանստանում արգելք է դրվել հասարակական վայրերում «կանացի ձայնի» վրա, այժմ կանանց արգելվում է հրապարակայնորեն շփվել միմյանց հետ կամ լսել այս օրենքը խախտողներին:
Նախարար Խալիդ Հանաֆին կանանց արգելել է խոսել ոչ միայն տղամարդկանց, այլ նաև այլ կանանց հետ։
Նախկինում թալիբներն արդեն մի շարք արգելքներ էին մտցրել կանանց համար՝ նրանց արգելված էր սովորել, ճանապարհորդել առանց տղամարդու կամ հրապարակային շփվել։ Կանանց արգելվում է նաև այցելել այգիներ, զբաղվել սպորտով և լողալ։ Գեղեցկության սրահներն ու կանանց ապաստարանները փակվեցին, իսկ օրենքը, որն ուղղված էր կանանց բռնությունից պաշտպանելուն, չեղյալ համարվեց։
