28-ամյա երիտասարդը սուր-կտրող գործիքով խփել էր տղամարդուն

28-ամյա երիտասարդը սուր-կտրող գործիքով խփել էր տղամարդուն

Նոյեմբերի 24-ին, ժամը 22.23-ին, ոստիկանության օպերատիվ կառավարման կենտրոն զանգած քաղաքացիները հայտնել էին, որ Խուդյակովի փողոցի տներց մեկում վիճաբանություն և դանակահարություն է եղել:

Ոստիկանության Նոր Նորքի բաժնի և Ավանի բաժանմունքի ծառայողների ձեռնարկած միջոցառումների շնորհիվ պարզվել է, որ Խուդյակովի փողոցի նշված տան մոտ մի խումբ անձանց միջև վիճաբանություն է եղել, որի ընթացքում 28-ամյա երիտասարդը սուր-կտրող գործիքով խփել է 66-ամյա տղամարդուն, որը տեղափոխվել է հիվանդանոց:

Ոստիկանության Երևան քաղաքի վարչության և Ավանի բաժանմունքի քրեական հետախույզների ձեռնարկած միջոցառումների շնորհիվ նոյեմբերի 25-ին 28-ամյա երիտասարդը մայրաքաղաքի Հաղթանակ թաղամասում հայտնաբերվել, ձերբակալվել և ներկայացվել է նախաքննական մարմին:

Կատարվում է նախաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: