Կյանքից հեռացել է All by Myself ու Hungry Eyes հիթերի հեղինակը

75 տարեկան հասակում մահացել է ամերիկացի փոփ երգիչ և All by Myself հիթի հեղինակ Էրիկ Կարմենը։ Արտիստի ներկայացուցիչները համապատասխան հայտարարություն են տեղադրել նրա պաշտոնական կայքում։

Կարմենի մահվան պատճառները դեռ հայտնի չեն։ «Մեծ ցավով կիսվում ենք Էրիկ Կարմենի մահվան սրտաճմլիկ լուրով։ Մեր քաղցր, սիրող և տաղանդավոր Էրիկն անցավ հանգստյան օրերին քնած վիճակում»,- ասվում է գրառման մեջ:

Էրիկ Կարմենը ծնվել է 1949 թվականին ԱՄՆ Օհայո նահանգում։ 1970-1975 թվականներին նա եղել է Raspberries փոփ խմբի վոկալիստն ու ստեղծագործությունների մեծ մասի հեղինակը։

Խմբի փլուզումից հետո նա սկսել է զարգացնել սոլո կարիերա։ Կարմենը եղել է 1970-ականների այնպիսի հիթերի հետևում, ինչպիսիք են Make Me Lose Control, All by Myself, Never Gonna Fall Fall in Love Again և She Did It: Նրա մեկ այլ ստեղծագործություն՝ Hungry Eyes, օգտագործվել է 1987 թվականին նկարահանված «Կեղտոտ պար» ֆիլմում։ Իր սոլո կարիերայի զարգացման ընթացքում Կարմենը թողարկել է ինը երաժշտական ​​ալբոմ։