Ի՞նչ անել սրտի հետ կապված խնդիրների ռիսկը նվազեցնելու համար․ մասնագետի խորհուրդը
Անոթային հիվանդությունները սրտի խնդիրների հիմնական պատճառն են, ասել է էնդովասկուլյար վիրաբույժ, բժշկական գիտությունների թեկնածու Աշոտ Գրիգորյանը։
Բժիշկը Lente.ru-ի հետ զրույցում հորդորել է պահպանել անոթների առողջությունը և առաջարկել դա անելու ուղիներ՝ մահացու հիվանդությունների զարգացման ռիսկը նվազեցնելու համար։
Անոթային և զարկերակային հիվանդությունների ռիսկը նվազեցնելու համար բժիշկը խորհուրդ է տվել ճիշտ սնվել․ սննդակարգը պետք է լինի հավասարակշռված, իսկ կենդանական ճարպի քանակը՝ նվազագույն։
«Ֆիզիկական ակտիվությունը նաև օգնում է պահպանել սրտի առողջությունը։ Կարևոր է պարբերաբար զբաղվել սպորտով»,- ընդգծել է Աշոտ Գրիգորյանը։
Բժիշկը խորհուրդ է տվել դադարեցնել բարձրակրունկ կոշիկներ կրելը։ Նրանց, ովքեր չունեն դա անելու հնարավորություն, Գրիգորյանը խորհուրդ է տվել երեկոյան ոտքերի տաք լոգանք ընդունել։
Երկար թռիչքների կամ մեքենայով ճանապարհորդելու ժամանակ բժիշկը խորհուրդ է տվել կրել կոմպրեսիոն գուլպաներ։ Բժիշկը կօգնի ընտրել մեկին, իսկ մասնագետը կարող է նաև նշանակել դեղամիջոցների օգտագործում, որոնք կանխում են թրոմբների առաջացումը:«
Թռիչքի ընթացքում ամեն ժամ անհրաժեշտ է խմել 100 միլիլիտր հեղուկ (բացի ալկոհոլից) կամ շրջել սրահով, եթե թռիչքի պայմանները թույլ են տալիս: Նաև ինքնաթիռի նստատեղում կամ աշխատավայրում կարող եք հերթափոխով լարել սրունքի մկանները, ինչը թույլ կտա, որ արյունը մարմնի ստորին կեսից ու ոտքերից շարժվի դեպի սիրտ»,- նշել է բժիշկը։
