Ստյոպա Սաֆարյանի հերթական սուտը հենց սեփական քույրն է փաստարկել. Արսեն Բաբայան
Երկու օր առաջ ՍԴ դատավոր-փաստաբանի եղբայր Ստյոպա Սաֆարյանն ուղիղ եթեր էր մտել և բոլորին փորձում էր համոզել, թե իբր Սեդա Սաֆարյանի փաստաբանական արտոնագրի գործողությունը կասեցվել է ոչ թե նոյեմբերի 30-ին, ինչպես մենք էինք ապացուցել, այլ՝ դեկտեմբերի 15-ին: Դեռ մի բան էլ Ազատության լրագրողին մեղադրում էր, թե վերջինս իբր իր ռեպորտաժում թաքցրել է այդ հանգամանքը: Այս մասին ֆեյսբուքյան իր էջում գրել է փաստաբան Արսեն Բաբայանը:
Իսկ այսօր պարզվեց, որ Ստյոպա Սաֆարյանի հերթական սուտը հենց սեփական քույրն է փաստարկել: Տիկին դատավորը դատի է տվել փաստաբանների պալատին այն բանի համար, որ արտոնագրի կասեցումը կատարվել է հենց նոյեմբերի 30-ին:
Այդ ուղիղ եթերում հնչեցված մտքերի 99 տոկոսը սուտ էին կամ սխալ, բայց դրանց անդրադառնալու ոչ ժամանակ ունեմ և ոչ էլ իմաստ կա:
