ԱՄՆ-ն Ուկրաինայում հակամարտության պլան չունի․ Լուկաշենկոն Մոսկվայում հանդիպել է Պուտինին
Բելառուսի նախագահ Ալեքսանդր Լուկաշենկոն ասել է, որ ԱՄՆ-ն Ուկրաինայում հակամարտության պլան չունի։
Ըստ նրա՝ Վաշինգտոնը ջրեր է փորձարկում։
«Բացարձակ վստահությամբ կարող եմ ասել, որ ամերիկացիները ուկրաինական հակամարտության համար ծրագիր չունեն: Բացարձակապես ոչ մի ծրագիր: Նրանք փորձում են ջրերը փորձարկել. ի՞նչ են ուզում այս մարդիկ, ի՞նչ են ուզում այս, մենք այսօր կխոսենք այս մասին: Վլադիմիր Վլադիմիրովիչն ինձ կասի», - աել է նա:
Լուկաշենկոյի խոսքով՝ Ուկրաինան, ամենայն հավանականությամբ, չի համաձայնի հրադադարի։
Նա նշել է, որ հնարավոր չէ «ճնշել» Ռուսաստանին, ուստի ԱՄՆ-ն ճնշում է գործադրել Կիեւի վրա։
Սակայն Լուկաշենկոն նշել է, որ Ուկրաինայում ժամանակավոր զինադադարի առաջարկը հնարք չի համարում, փոխանցում է Belta-ն։
Ուկրաինայի կարգավորման հարցում հնարավոր կլինի համաձայնության գալ, երբ Ռուսաստանը հանի իր հաղթաթուղթը, ասել է Լուկաշենկոն։
«Կուրսկի մարզը վերջնականապես կազատագրվի մի քանի օրվա ընթացքում»,- ասել է Լուկաշենկոն
Նա հայտարարել է, որ մարզի մոտալուտ ազատագրումը նշանավորվել է Վլադիմիր Պուտինի՝ Կուրսկ կատարած այցով։
Մոսկվայում Բելառուսի ղեկավարին ընդունել է ՌԴ նախագահ Վլադիմիր Պուտինը։
Պուտինը Բելառուսի հետ Ռուսաստանի հարաբերություններն անվանել է եղբայրական։
Նա նշել է, որ դրանք կարող են օրինակ լինել այլ երկրների համար։
