Վրաստանի նախագահը Սանդուի և Դուդայի հետ քննարկել է խորհրդարանական ընտրությունները

Վրաստանի նախագահ Սալոմե Զուրաբիշվիլին հեռախոսով քննարկել է երկրի խորհրդարանական ընտրությունները Մոլդովայի նախագահ Մայա Սանդուի և Լեհաստանի առաջնորդ Անջեյ Դուդայի հետ, երկուշաբթի օրը հայտնել է Վրաստանի ղեկավարի վարչակազմը։

«Վրաստանի նախագահը զրուցել է Մոլդովայի նախագահ Մայա Սանդուի հետ: Հեռախոսազրույցի ընթացքում նախագահները քննարկել են Վրաստանում անցկացված խորհրդարանական ընտրությունների հարցը»,- հայտնում է վարչակազմը և նշում, որ դրանից հետո Զուրաբիշվիլին հեռախոսազրույց է ունեցել Լեհաստանի նախագահի հետ։ 

Հոկտեմբերի 26-ին Վրաստանում տեղի են ունեցել խորհրդարանական ընտրություններ։ Կենտրոնական ընտրական հանձնաժողովի տվյալներով՝ իշխող «Վրացական երազանքը», որը հանդես է գալիս Ռուսաստանի Դաշնության հետ հարաբերությունների պահպանման և հակառուսական պատժամիջոցների դեմ, ստացել է ձայների 53,93 տոկոսը։

Խորհրդարան են անցել նաեւ չորս ընդդիմադիր կուսակցություններ՝ ստանալով ընդհանուր 37,78%:

Ընդդիմության ներկայացուցիչներն արդեն հայտարարել են, որ չեն ճանաչում ԿԸՀ տվյալները։