Գերմանիան առգրավել է Eventin լցանավը նավթի հետ միասին
Գերմանական մաքսային ծառայությունն առգրավել է Eventin լցանավը, որը կորցրել էր կառավարումը։
Նավում գրեթե 100 հազար տոննա նավթ կա, հայտնել է «Der Spiegel» ամսագիրը։
Գերմանիայի Դաշնային Հանրապետության գլխավոր մաքսային վարչության որոշմամբ լցանավը մարտի 14-ին դարձել է գերմանական պետության սեփականությունը։
Նավթը գնահատվում է մոտ 40 միլիոն եվրո։ Մինչև այն բռնագրավելու որոշումը, ինտենսիվ բանակցություններ են տեղի ունեցել գերմանական տարբեր նախարարությունների միջև հունվարի կեսերից:
Փետրվարի վերջին Էվենտինը ներառվել է ԵՄ պատժամիջոցների ցուցակում՝ այսպես կոչված ռուսական ստվերային նավատորմի կազմում։ Ինչպես գրում է պարբերականը, Գերմանիայի կառավարությունը, բռնագրավման որոշում կայացնելով, ազդանշան է ուղարկում Մոսկվային, որ Գերմանիայի իշխանությունները չեն հանդուրժի Բալթիկ ծովով ռուսական նավթի տարանցումը։
Eventin լցանավին արգելվում է շարունակել նավարկությունը մաքսային միջոցառումների պատճառով, հայտնել է Գերմանիայի ֆինանսների նախարարությունը։
