Պետք է ամեն ինչ անենք՝ ԶՈւ քաղաքականացման հետագա բոլոր փորձերը զրոյացնելու համար
Այն բանակցային հնարավորությունները, որ առկա էին 2016-ից, ոչ թե ԼՂ հարցի որևէ լուծման, այլ ՀՀ-ին հագցված վզկապը կարճացնելու մասին էին։ Այդ մասին այսօր ԱԺ-ում հայտարարեց Կառավարության գլուխ Նիկոլ Փաշինյանը։
Նա նշեց, որ այդ վզկապը կարճացնելուց հետո էլ աշխարհաքաղաքական կենտրոններում որոշվել է ՀՀ հարցը լուծել պատերազմով։ «Ոչ թե ԼՂ հարցը, այլ՝ ՀՀ-ի հարցը, քանի որ ԼՂ հարցը վաղուց լուծվել էր։ Ու հիմա որոշվել էր ՀՀ-ի հարցը լուծել երկրի ներսում քաղաքացիական բախումների և ռազմական հեղաշրջումների ճանապարհով։ Այս սցենարը գործարկելու փորձ արվեց 44-օրյա պատերազմից հետո»,- նկատեց նա։
Ըստ Փաշինյանի՝ ՀՀ ինքնիշխանությունը պահվեց, այնուամենայնիվ, մեր զինվորների կյանքի գնով։
«Մենք պահպանում ենք մեր պետականությունը, անկախությունն ու ինքնիշխանությունը, որովհետև «44-օրյա»-ից հետո ՀՀ-ն որպես անկախ պետություն վերացնելու փորձեր արվել են»,- նշեց նա։
Փաշինյանը հիշեցրեց, որ պատերազմից հետո նաև «ռազմական հեղաշրջման փորձ է արվել Հայաստանում, որը ձախողվել է»։
«Մենք պետք է ամեն ինչ անենք՝ ԶՈւ քաղաքականացման հետագա բոլոր փորձերը զրոյացնելու համար»,- ասաց նա։
Մանրամասները՝ տեսանյութում։
