Ռուս-ադրբեջանական հարաբերություններում կան լուրջ թնջուկներ․ Ոսկանյան
Բաքվի բարձրագույն բարոսական վարչախմբի ռուսալեզու քարոզչամիջոցներից թերևս ամենատխրահռչակն, ըստ էության, քամահրական և վիրավորական բնորոշումներ է տվել ՌԴ արտգործնախարար Սերգեյ Լավրովին, որը Երևանում հայտարարել էր Փառուխի խնդրի՝ սահմանների հարցերով Հայաստան-Ադրբեջան հանձնաժողովի շրջանակներում քննարկման անհրաժեշտության մասին։ Այս մասին իրանագետ Վարդան Ոսկանյանը գրել է Տելեգրամում։
«Սա ցույց է տալիս, որ ռուս-ադրբեջանական հարաբերություններում կան լուրջ թնջուկներ, իսկ կոնկրետ այս պահին Ռուսաստանը Արցախի սահմանները փաստացիորեն նույնականցնում է Հայաստանի սահմանների հետ, ինչը Բաքվի բռնապետական վարչախմբի կողմից նման ջղային հակադարձման պատճառ է դարձել։
Ընդ որում, վերջին հանգամանքը տեսանելի է, թե՛ արհեստածին Ադրբեջանի ԱԳՆ խոսնակի և թե՛ հենց Բաքվի բռնապետի աշխատակազմից անմիջականորեն ուղղորդվող և կառավարվող քարոզչամիջոցների «արձագանքներից»»,- գրել է իրանագետը:
