Չավուշօղլուն հայտնել է, թե որ կետերի շուրջ են ՌԴ–ն ու Ուկրաինան համաձայնության եկել

Թուրքական Hurriyet–ի խմբագիր Ահմեդ Հաքանը Թուրքիայի ԱԳ նախարար Մեւլութ Չավուշօղլուի հետ խոսել է ռուս–ուկրաինական հակամարտությունից եւ որոշ  մանրամասներ գրել Hurriyet–ում։

Ահմեդ Հաքանի հետ զրույցում Թուրքիայի ԱԳ նախարար Մեւլութ Չավուշօղլուն նշել է, որ կողմերը համաձայնության են եկել  ՌԴ–ի կողմից առաջադրված 6 կետի առաջին կետերի շուրջ։

«Կարեւոր թեմաներում երկու կողմերի դիրքորոշումներում համաձայնություններ կան։ Սակայն որոշ կետեր պետք է երկրի ղեկավարների կողմից համաձայնություն տրվեն։ Եթե կողմերը ներկայիս իրենց դիրքորոշումներից հետքայլ չանեն, ապա զինադադարի համար հույսեր ունենք։ Եթե կողմերը համաձայնության գան, Զելենսկու եւ Պուտինի հանդիպումը հնարավոր է»,–նշել է Չավուշօղլուն։

Նշենք, որ Չավուշօղլուի նշած 6 կետերի մասին ավելի վաղ հայտնել էր Թուրքիայի նախագահի խոսնակ Իբրահիմ Քալընը։

Ըստ նրա 6 կետերն են

1. Ուկրաինան հրաժարվում է ՆԱՏՕ–ին անդամակցելուց եւ դառնում անկողմնակալ

2. Զինաթափվում է եւ փոխադարձ անվտանգության երաշխիքներ ստանում

3. Ուկրաինան հրաժարվում է նացիզմից

4. Ուկրաինայում հանվում են ռուսերեն լեզվի օգտագործման սահմանափակումները

5. Դոնբասի կարգավիճակը

6. Ղրիմի կարգավիճակը