Պուտինը Անվտանգության խորհրդի հետ քննարկել է ԱՄՆ-ի հետ հարաբերությունների վերականգնման հարցը
ՌԴ նախագահ Վլադիմիր Պուտինը հանդիպում է ունեցել Անվտանգության խորհրդի անդամների հետ՝ նվիրված ռուս-ամերիկյան հարաբերությունների վերականգնմանը։ Այս մասին հայտնում է ՏԱՍՍ-ը։
Երկրի ղեկավարը գործընթացը բնութագրել է որպես «բարդ», սակայն ընդգծել է, որ ԱՄՆ նախագահ Դոնալդ Թրամփի վարչակազմը քայլեր է ձեռնարկում երկխոսություն հաստատելու համար։ Նախագահն ընդգծել է, որ Ռուսաստանի և ԱՄՆ-ի հարաբերությունները ավերվել են ամերիկյան նախորդ վարչակազմի կողմից։
«Թրամփի վարչակազմն անում է հնարավոր ամեն ինչ՝ մեր երկրների միջև փոխգործակցության գոնե մի մասը վերականգնելու համար»,- ասել է Պուտինը։
Նախագահը նշել է, որ հարաբերությունների կարգավորման ճանապարհը պահանջում է ժամանակ և փոխզիջումներ՝ հաշվի առնելով կուտակված հակասությունները։
Ուրբաթ օրը Թրամփը հայտարարել է, որ ԱՄՆ նախկին նախագահ Ջո Բայդենի վարչակազմը մեղավոր է Վաշինգտոնի և Մոսկվայի հարաբերությունների վատթարացման համար։
