Ֆրանսիայում մոտ 1,8 հազար տուն առանց էլեկտրականության է մնացել ձյան տեղումների պատճառով
Ֆրանսիայի արեւելքում ձյան տեղումների պատճառով շուրջ 1800 տուն առանց էլեկտրականության է մնացել երկու դեպարտամենտներում. հայտնում է France Bleu ռադիոկայանը։
«Այսօր՝ կիրակի՝ դեկտեմբերի 3-ին, Սավոյում մոտ հազար տուն դեռ հոսանքազրկված է, իսկ Վերին Սավոյում՝ 800: Դա պայմանավորված է երեկվա առատ ձյունով»,- հայտնում է ռադիոն։
Նշվում է, որ ձյան ծանրության տակ ծառերն ընկել են լարերի ու էլեկտրասյուների վրա։ Սպասվում է, որ էլեկտրամատակարարումը կվերականգնվի մինչև երեկո։
