Տաշիր քաղաքում հրդեհ է բռնկվել․ 80 խոշոր եղջերավոր կենդանի են տարհանել

Դեկտեմբերի 10-ին, ժամը 12:12-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տաշիր-Լեռանհովիտ ավտոճանապարհին այրվում են անասնագոմեր: Հայտնում են ՆԳՆ Փրկարար ծառայությունից

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ Տաշիր քաղաքի Ջահուկյան փողոցում գտնվող անասնագոմի (մոտ 1000 քմ) տանիքը և առաստաղից մոտ 10 քմ։

Հրդեհը մեկուսացվել է ժամը 12։45-ին, մարվել՝ 14:01-ին։ Այրվել են անասնագոմի տանիքի փայտե կառուցատարերը և առաստաղը (ընդհանուր մոտ 120 քմ). փրկարարներն անասնագոմից դուրս են բերել 80 խոշոր եղջերավոր կենդանի։