Թիվ մեկ բույսը ուղեղի առողջության համար

Մենք գիտենք, որ սնունդը կարևոր դեր է խաղում ուղեղի առողջության պահպանման գործում, բայց մենք հաճախ չենք մտածում, թե ինչ կարող են օգնել դեղաբույսերն ու համեմունքները: Բացի խաչածաղկավոր բանջարեղենով, օմեգա-3 ճարպաթթուներով և ամբողջական ձավարեղենով հարուստ սննդակարգից, եղեսպակը օգնում է մեզ խելացի մնալ՝ բառացիորեն:

 Հիշողության և ուղեղի առողջության համար դրա օգուտները վաղուց հայտնի են:

Գոյություն ունի եղեսպակի 4 տեսակ: Այս բույսը հարուստ է սապոնինների, հակաբակտերիալ ֆերմենտների և էստրոգենների դառը միացություններով, եթերայուղերով, C և B վիտամիններով, ինչպես նաև կալիումով և այլ հանքանյութերով, որոնք բարելավում են ընդհանուր առողջական վիճակը:

Եղեսպակի հիմնական առողջարար հատկությունները

·         Բարենպաստ ազդեցություն է ունենում նյարդային համակարգի վրա,

·         բարելավում է արյան շրջանառությունը,

·         ազատում է հոգնածության զգացումից,

·         հիանալի միջոց է անեմիայի (սակավարյունության) դեմ,

·         օժտված է հզոր տտպող հատկություններով,

·         ազատում է մարսողական խնդիրներից,

·         ազատում է դաշտանադադարի ախտանշաններից,

·         կարգավորում է արյան մեջ շաքարի մակարդակը,

·         բուժում է խոցերն ու գաստրիտը,

·         պաշտպանում է հեշտոցի լորձաթաղանթը,

·         բուժում է այտույցներն ու ցիստիտը,

·         բուժում է բորանի խոռոչի ու կոկորդի խնդիրների մեծ մասը,

·         օժտված է հակասեպտիկ ու հակաբորբոքային հատկություններով:

Բացի այդ, եղեսպակը հայտնի է որպես «կանանց խոտաբույս», քանի որ օգնում է մեղմել դաշտանային ցիկլի հետ կապված տհաճ զգացողությունները:

Մրսածության ու բերանի խոռոչի հիվանդությունների բուժումը եղեսպակի օգնությամբ

Հարկավոր է պատրաստել եղեսպակով թեյ (1 թ.գ. եղեսպակի չոր տերևները թրմել 1 բաժակ եռման ջրում), սառելուց հետո քամել, այնուհետև ստացված թուրմով օրական 3 անգամ ողողել բերանն ու կոկորդը՝ լնդերի հիվանդություններն ու կոկորդի վարակները բուժելու համար: Մրսածության դեպքում շատ օգտակար են եղեսպակի ու երիցուկի թուրմով ինհալացիաները:

Մարսողական խնդիրների դեպքում

3 թ.գ. եղեսպակի չոր տերևներին ավելացնել 3 բաժակ եռման ջուր, թրմել, այնուհետև քամել և ընդունել օրական 3 անգամ 1-ական բաժակ:

Գինեկոլոգիական ու նյարդային խնդիրների դեպքում

1 թ.գ. չորացրած եղեսպակին ավելացնել 1 բաժակ եռման ջուր, թրմել, քամել և խմել օրական 1 բաժակ: Այս թեյը կօգնի ազատվել գինեկոլոգիական խնդիրներից և նյարդային խանգարումներից: