Ջոնի Դեփին հյուրանոցում գտել են անգիտակից վիճակում
Ջոնի Դեփը և նրա «Hollywood Vampires» խումբը վերջին պահին ստիպված են եղել չեղարկել իրենց համերգը Բուդապեշտում: Ըստ տեղեկությունների՝ հյուրանոցի իր համարում Դեփի ինքնազգացողությունը վատացել է, նա ուշաթափվել է։ Նրա ընկերները ստիպված են եղել բժիշկ կանչել․ նրանք բեմ չեն բարձրացել․ հայտնում են ամերիկյան ԶԼՄ-ները։
Դահլիճը լեփ-լեցուն էր եռանդուն երկրպագուներով, ոմանք, ովքեր հարյուրավոր կիլոմետրեր են ճանապարհել շոուն տեսնելու համար, տխրել էին Դեփի բացակայությունից:
«Ամեն ինչ դրված էր, բեմը, կուլիսային խումբը պատրաստ էր համերգին: Ոչ ոք չէր մտածում, որ խնդիր կարող է լինել, հատկապես, որ խմբի անդամներն արել էին ձայնային կարգավորումը, որը նախատեսված էր կեսօրին»,-հայտնել են աստղի թիմից։
Ամերիկյան ԶԼՄ-ները հայտնում են, որ Դեփն ունի առողջական խնդիրներ՝ սրտի հետ կապված։
