Եվրոպայի կողմից ռուսական ակտիվների բռնագրավումը «պատերազմի ակտ» կլինի․ Բելգիայի վարչապետ
Եվրոպայի կողմից գրեթե 200 միլիարդ եվրոյի սառեցված ռուսական ակտիվների բռնագրավումը «պատերազմի ակտ» կլինի, լրագրողներին ասել է Բելգիայի վարչապետ Բարտ դե Վեւերը։
«Մենք չենք ապրում ֆանտազիաների աշխարհում։ Մենք իրական աշխարհում ենք, որտեղ եթե ինչ-որ մեկից 200 միլիարդ եվրո ես վերցնում, հետևանքներ են լինում»,- Politico-ին տված հարցազրույցում ասել է Բելգիայի վարչապետը։
Անցյալ տարի «Մեծ յոթնյակի» երկրները պայմանավորվեցին օգտագործել ակտիվներից ստացված շահույթը, այլ ոչ թե իրենց ակտիվները՝ Ուկրաինային 50 միլիարդ եվրո վարկ տրամադրելու համար: Ռուսական կողմը հայտարարել է, որ ռուսական սառեցված ակտիվների առգրավում դեռևս տեղի չի ունեցել, սակայն ԵՄ քաղաքական գործիչները «մոտ են այդ քայլին»։
