ԱՄՆ իշխանությունների՝ ճնշում գործադրելու փորձերը չեն փոխի Չինաստանի դիրքորոշումն Ուկրաինայի հարցում
Ուկրաինայի հարցում Չինաստանի վրա ճնշում գործադրելու ԱՄՆ իշխանությունների փորձերն անպատասխանատու եւ անօգուտ են, դրանք չեն կարողանա փոխել Չինաստանի ղեկավարության դիրքորոշումը։ Այս մասին հայտարարել է Չինաստանի ԱԳՆ պաշտոնական ներկայացուցիչ Չժաո Լիցզյանը։
«Մենք դեմ ենք դրան եւ կտրականապես չենք կարող համակերպվել ԱՄՆ-ի նման դիրքորոշման հետ»,- ընդգծել է նա ճեպազրույցի ժամանակ՝ պատասխանելով հարցին, թե ինչպես իրեն կպահի Պեկինը Ռուսաստանի հետ համագործակցելիս՝ Ուկրաինայի պատճառով ԱՄՆ պատժամիջոցների ցուցակում հայտնվելու վտանգի ֆոնին:
Դիվանագետի խոսքով, ուկրաինական ճգնաժամի հետ կապված Պեկինն օբյեկտիվ եւ արդար դիրքորոշում ունի եւ առաջնորդվելու է սեփական անկախ դատողություններով։ Նա նշել է, որ Չինաստանը հարգում է ուկրաինական բարդ իրավիճակում ներգրավված շահագրգիռ կողմերից յուրաքանչյուրի մտահոգությունը։ «Մենք աջակցում ենք ցանկացած ջանքերի, որոնք կարող են հաղթահարել ճգնաժամը», - ամփոփել է Չժաո Լիցզյանը:
