Ամեն ինչ կորոշվի առաջիկա 15 օրվա ընթացքում. Բորելը՝ Ուկրաինայում իրավիճակի մասին
Ռուսաստանի կառավարությունն առայժմ շահագրգռված չէ Ուկրաինայում հրադադարի շուրջ բանակցություններ վարել, քանի որ նրա բանակը չի հասել իր ռազմական նպատակներին, հինգշաբթի ասել է Եվրամիության արտաքին քաղաքականության և անվտանգության հարցերով Բարձր ներկայացուցիչ Ժոզեպ Բորելը, գրում է Reuters-ը։
«Այս պահին Ռուսաստանը չի ցանկանում նստել և ինչ-որ բան բանակցել. այն, ինչ նա ցանկանում է, դա հողը գրավելն է: Նա ցանկանում է շրջափակել ափը մինչև Մոլդովայի հետ սահմանը և կտրել Ուկրաինան ծովից: Նա ցանկանում է լրջորեն բանակցել միայն այն ժամանակ, երբ ապահովի իր ուժեղ դիրքը»,- ասել է Բորելը իսպանական TVE հեռուստաալիքին տված հարցազրույցում։
Ըատ Բորելի՝ Եվրամիությունը և նրա դաշնակիցները կշարունակեն ռազմական օգնություն տրամադրել ուկրաինական բանակին։
«Ամեն ինչ կորոշվի առաջիկա 15 օրվա ընթացքում: Ուկրաինացիների դիմադրելու կարողությունը պատմության կերտում է»,- ասել է պաշտոնյան:
