Մրջյունները կօգնեն հաղթահարել խցանումները, կարգավորել երթևեկությունը
Տրենտոյի (Իտալիա) համալսարանի մասնագետները հայտնաբերել են մրջյունների վարքագծի օրինաչափություններ, որոնք կարող են օգտագործվել երթեւեկության հետ կապված խնդիրները լուծելու համար: Հետազոտությունը հրապարակվել է Transportation Research Interdisciplinary Perspectives ամսագրում:
Գիտնականները նշել են, որ մրջյուններն իրենց բարձր կազմակերպված սոցիալական վարքագծով կարող են արդյունավետորեն շարժվել լանդշաֆտի միջով՝ առանց միմյանց խանգարելու: Հեղինակները նշել են միջատների սովորությունների առանձնահատկությունները, որոնք կարող են օգտագործվել երթևեկության կազմակերպման համար, խցանումները հաղթահարելու համար։
Հետազոտության հեղինակ Մարկո Գերիերին ասել է, որ մրջյուններն այն քիչ տեսակներից են, որոնք կարող են կազմակերպել առանց խոչընդոտի երկկողմանի երթևեկություն: Մրջյունների, ներառյալ առանձին տեսակների, ժամերի դիտարկումը գիտնականներին հուշում է, թե ինչպես լուծել երթևեկության գերբեռնվածության խնդիրը: Նրանք նշել են, որ մրջյունների վարքային բնութագրերը կարող են օգտագործվել անվարորդ մեքենաների տեղաշարժը կազմակերպելու համար։
Գերիերին ասել է, որ մրջյունները շարժվում են ֆերոմոնային հետքերով, որոնք նշված են առաջնորդի կողմից: Նրանք շարժվում են նաև կազմակերպված շարասյուներով՝ առանց միմյանցից առաջ անցնելու։ Ըստ գիտնականի, ինչպես միջատները շփվում են իրենց արտազատման միջոցով, այնպես էլ անվարորդ մեքենաները կարող են կենտրոնանալ սովորական առաջնորդի վրա և այդ ընթացքում «հաղորդակցվել» միմյանց հետ:
