Ինչ արել եմ, լավ եմ արել, մեկ վայրկյան չեմ փոշմանել․ Նարեկ Մալյան

 Անկեղծ ասած, վերջին խոսքը մի տեսակ տխուր է հնչում, տպավորթություն է, որ վերջին խոսքից հետո մարդը հանձնվում է և այլևս չի խոսելու, ես ուրախ մարդ եմ և լռելու, կամ հանձնվելու միտք չունեմ։ Այս մասին այսօր դատական նիստի ընթացքում ասաց հասարակական գործիչ, գրող Նարեկ Մալյանը

։ Նշենք, որ Մալյանի մեղադրանքը 2021 թվականին փետրվարի 20-ին «Չաուշեսկուի գնդակահարությունը կամ մահ դավաճաններին» ֆուտուրիստական ներկայացումն Ազատության հրապարակում բեմադրելն է, որը համարվել է որպես բռնության կոչ։

«Ինչ արել եմ, լավ եմ արել, մեկ վայրկյան չեմ փոշմանել, եթե ժամանակը հետ պտտեի, էլի նույնը կանեի, այսինքն զղջման մասին խոսք չկա»,-ասաց նա և տեղի ունեցածը համարեց տափակագույն պրոցես։

Մալյանը նշեց, որ ներկայացումը չհաջողվեց բեմադրել, քանի որ նրան առևանգեցին, իր ազատ արձակվելուց հետո որոշել էր նորից ներկայացումը բեմադրել, և այն ներկայացնելուց հետո իր նկատմամբ գործ հարուցվեց։ «Ինձ հաջողվեց ներկայացնել այս իշխանության ամենամեծ վախը»,-ասաց նա։ Դատական նիստն ավարտվեց և որոշումը կհրապարակվի այսօր ժամը 17։30-ին։

Մանրամասները՝ տեսանյութում