Ապրանքներ, որոնք կօգնեն քնի հորմոններ արտադրել և քնել երեխայի պես

Սննդաբանը զգուշացրել է, որ սննդակարգը կարող է ազդել քնի որակի վրա։ Եվ դա տեղի է ունենում ոչ միայն ուշ ընթրիքի պատճառով, երբ ստամոքս-աղիքային տրակտը ծանրաբեռնված է, մինչ օրգանիզմը հանգստի կարիք ունի, այլ նաև սննդամթերքում վնասակար ճարպերի, կոֆեինի և արագ ածխաջրերի պարունակության պատճառով։ Նրանք կարող են նաև ակտիվացնել ուղեղը, ինչը դժվարացնում է քունը և հանգեցնում մակերեսային քնի:

Այդ իսկ պատճառով բժիշկը մարդկանց հորդորել է հավատարիմ մնալ հավասարակշռված սննդակարգին, ընթրել քնելուց 3-4 ժամ առաջ և հրաժարվել սուրճից ժամը 16:00-ից հետո, հայտնում է Вечерняя Москва-ն։

Միաժամանակ, եթե քաղցը չի հանդարտվում ու տանջում է, ապա ուտել այնպիսի մթերքներ, որոնք կարող են օգտակար լինել քնելու համար։ Խոսքը հնդկահավի, բանանի, կաթի, կեռասի, կիվիի, նուշի և սոճու ընկույզի մասին է։ Այս բոլոր մթերքները պարունակում են տրիպտոֆան և մագնեզիում, որոնք օգնում են արագ քնել:

Ինչ վերաբերում է խմիչքներին, ապա բուսական թեյը կօգնի ձեզ քնել և բարելավել քնի որակը: