Սաակաշվիլին իր նոր պատիժը ցմահ է որակել

Վրաստանի նախկին նախագահ Միխեիլ Սաակաշվիլին հեգնանքով անսպասելի է անվանել Թբիլիսիի քաղաքային դատարանի որոշումը իր նոր իննամյա ժամկետի վերաբերյալ և հավելել, որ այդ պատիժն իր համար «գործնականում ցմահ» է։

Չորեքշաբթի ավելի վաղ Թբիլիսիի քաղաքային դատարանը նախկին նախագահ Միխեիլ Սաակաշվիլիին դատապարտել էր ինը տարվա ազատազրկման՝ պետական ​​միջոցների յուրացման գործով։

«Ի՞նչ անակնկալ էր օլիգարխի դատավճիռը, հա՞, <...> Նախագահականի ծառայողական ծախսերի համար ես դատապարտվեցի գործնականում ցմահ բանտարկության... Մեզ չեն վախեցնելու, ուժը միասնության մեջ է»,- գրել է Սաակաշվիլին սոցցանցերի իր էջում։

Սաակաշվիլիին մեղադրանք է առաջադրվել պետական ​​միջոցների յուրացման մեջ 2014թ. Այս դեպքը Վրաստանում հայտնի է որպես «պիջակի գործ»։ Մեղադրող կողմը պնդում է, որ իր նախագահության տարիներին Սահակաշվիլին պետական ​​միջոցներից գնել է բաճկոններ և վերարկուներ, վճարել է որդու ուսման ծախսերը, կոսմետիկ ընթացակարգեր է անցել, թանկարժեք մեքենաներ և ինքնաթիռներ վարձել և ձեռքի ժամացույց գնել։ Խոսքը ավելի քան 3,2 մլն դոլարի յուրացման մասին է։